Проектот е насочен кон зајакнување на младинскиот ангажман во процесот на европска интеграција на Северна Македонија, преку директна работа со млади во сите 8 плански региони во државата. Преку дебати, симулации, интерактивни средби и креативни формати, младите ќе добијат можност поактивно да се вклучат, да се информираат и да придонесат во процесите што ја обликуваат европската иднина на земјата.

„EU Youth Caravan“ има за цел да ги приближи европските теми до младите на разбирлив, пристапен и практичен начин, со посебен фокус на нивното активно учество, размена на мислења и поттикнување на критичко размислување. 

Проектот е дел од пошироката иницијатива „Поддршка на европската интеграција на Северна Македонија“, имплементирана од UNOPS во соработка со Министерството за европски прашања, со поддршка од Шведска и Швајцарија.

Проектот е насочен кон зајакнување на младинскиот ангажман во процесот на европска интеграција на Северна Македонија, преку директна работа со млади во сите 8 плански региони во државата. Преку дебати, симулации, интерактивни средби и креативни формати, младите ќе добијат можност поактивно да се вклучат, да се информираат и да придонесат во процесите што ја обликуваат европската иднина на земјата.

„EU Youth Caravan“ има за цел да ги приближи европските теми до младите на разбирлив, пристапен и практичен начин, со посебен фокус на нивното активно учество, размена на мислења и поттикнување на критичко размислување. 

Проектот е дел од пошироката иницијатива „Поддршка на европската интеграција на Северна Македонија“, имплементирана од UNOPS во соработка со Министерството за европски прашања, со поддршка од Шведска и Швајцарија.

Analytica започнува со имплементација на проектот “Youth for Integrity: Expanding Anti-Corruption Youth Action in North Macedonia (Phase II)”, кој има за цел да го зајакне младинското учество во борбата против корупцијата и да придонесе кон развој на одржливи модели за антикорупциско образование во РС Македонија.

Проектот ќе се реализира на национално ниво, опфаќајќи ги сите осум плански региони, преку директна работа со млади, наставници и релевантни институции. Имплементацијата се спроведува во партнерство со Иницијатива за граѓански интеграции (ИГИ) Гостивар и Организација на жени од Струмица.

Проектот предвидува развој и имплементација на антикорупциски образовни програми во училиштата, воспоставување на младинска антикорупциска мрежа, како и активности за подигнување на јавната свест и поттикнување на активен младински ангажман.

Посебен фокус ќе биде ставен на институционализација на антикорупциското образование, преку соработка со Министерството за образование и наука и Државната комисија за спречување на корупцијата.

Проектот е поддржан од zivik Funding Programme (ifa – Institut für Auslandsbeziehungen), со средства обезбедени од Германското Федерално Министерство за надворешни работи.

Младинска акција за чесно општество 

Поддржано од Амбасадата на Канада за Србија, Северна Македонија и Црна Гора

Проектот „Следната генерација против корупцијата: Младински одговор“ има за цел да ја зголеми вклученоста на младите и граѓанското општество во борбата против корупцијата преку иновативни пристапи и дигитални алатки кои ја подобруваат ефикасноста на антикорупциските напори.

Во Северна Македонија, младите често се соочуваат со корупција во секојдневниот живот – од образованието до вработувањето – но немаат доволно знаење и алатки за да ја препознаат и спротивстават. Локалните граѓански организации, исто така, имаат ограничени капацитети за поддршка на младите во оваа улога.

Преку овој проект, Аналитика тинк тенк ќе:

1. Ги запознае младите со механизмите за откривање и спречување на корупција и со улогата на Државната комисија за спречување на корупцијата (ДКСК).

2. Ги зајакне капацитетите на локалните организации за спроведување младински антикорупциски програми.

3. Ги поттикне младите да развијат одговорни, морални и креативни пристапи во борбата против корупцијата преку неконвенционални акции.

Главни активности: анкета и интервјуа со 300 млади за перцепциите кон корупцијата, подготовка на политички документ, тридневна обука на 20 млади антикорупциски агенти, младински форуми и јавни дебати во три општини (Скопје, Струмица и Гостивар), кампања на социјални медиуми „Младите не се алка во синџирот на корупцијата!“, герила акции и завршна конференција.

Очекувани резултати: зголемено знаење и вклученост на младите во борбата против корупцијата, објавени наоди и препораки, развиена едукативна мобилна апликација за пријавување корупција и зајакнати капацитети на граѓанските организации за понатамошно делување.

Проектен менаџер: Бојана М. Христовска
Проектен координатор: Тамара М. Спасова
Проектен експерт: Маја Христовска

КОРУПЦИЈАТА НИЗ ПЕРСПЕКТИВА НА МЛАДИТЕ ВО СЕВЕРНА МАКЕДОНИЈА