МЛАДИ И ОБРАЗОВАНИЕ
Програмата „Млади и образование“ ја развиваме со цел да ги зајакнеме младите како двигатели на позитивни општествени промени преку образование, истражување и активно граѓанско учество. Со долгогодишно искуство во работа со средни и основни училишта, универзитети и Министерството за образование и наука, Аналитика преку оваа програма го унапредува образовниот процес во насока на промовирање на вредности како интегритет, родова еднаквост, мултикултурализам и дигитална безбедност.
Нашите активности опфаќаат развој на едукативни програми,прирачници, истражувања и кампањи кои ги поврзуваат младите, наставниците и институциите во заедничка мисија за поквалитетно, инклузивно и современо образование. Работиме на теми како:
-
Јакнење на родова еднаквост и недискриминација во училиштата;
-
Мултикултурно образование и толеранција меѓу младите од различни заедници;
-
Сајбер безбедност и дигитална писменост;
-
Младите како двигатели на антикорупциски вредности;
-
Поддршка на наставниците и локалните заедници за создавање позитивна училишна средина.
Со оваа програма Аналитика ја продолжува својата мисија – преку знаење, истражување и дијалог – да создава генерации млади луѓе кои мислат критички, делуваат одговорно и градат праведно и отпорно општество.
