На 1ви јуни Аналитика ја одржа втората работилница во рамките на проектот “Енергетска сиромаштија на агендата” со претставници на граѓански сектор со цел собирање на повратни информации и мислења за подобрување на мерките за намалување на енергетска сиромаштија во С. Македонија. Енергетската сиромаштија се разгледуваше од аспект на: 1) потребите на различни ранливи групи, 2) потребите и трошоците за основни потреби, 3) фактори кои придонесуваат кон енергетска сиромаштија, 4) нови ризици од пандемијата и енергетската криза, 5) разгледување на итни и долгорочни мерки за намалување на енергетска сиромаштија, и 6) разгледување на постојни мерки за намалување на енергетска сиромаштија во С Македонија. Од дискусијата произлегоа корисни предлози како системска поддршка на граѓаните за инвестирање во енергетска ефикасност и обновливи извори, како и вметнување на социјални критериуми при доделување на субвенции за енергетски ефикасни апарати. Дискусијата ја модерираше др Ана Стојиловска, надворешен истражувач на Аналитика.
Проектот е поддржан од проектот „Граѓанските огранизации во акција за климатските промени“ кој го реализираат Центарот за истражување и информирање за животната средина Eko-svest, заедно со партнерските организации Македонско здружение на младите правници - МЗМП и Организацијата за поврзување на природни вредности и луѓе - ЦНВП Македонија, и е финансиран од страна на Владата на Шведска.

